Për dallim nga shumë kampionate futbollistike në Evropë, në Malin e Zi, ndeshjet do të zhvillohen me prezencën e publikut. Lajmin e konfirmoi kryeministri i qeverisë të Malit të Zi, Dushko Markoviq.
“Është vendosur që të lejohen dasmat, por edhe një numër i caktuar të spektatorëve në ndeshjet sportive,“ ka thënë mes tjerash Markoviq.
Ende nuk dihet se sa do të jetë shifra e saktë, por pritet që përmes protokollit shëndetësor të caktohet numri brenda 48 orëve të ardhshme, për sfidat e futbollit në Malin e Zi.
Shteti i vetëm ku janë lejuar ndeshjet të zhvillohen me spektatorë në stadiume është Bjellorusia, ndërsa në vendet e tjera nuk është lejuar një gjë e tillë. Rikujtojmë se kampionatet në Francë, Holandë dhe Belgjikë janë mbyllur para kohe.