E ardhmja e Pedro Rodriguez mund të jetë në Serie A.
Ylli spanjoll po kalon ditët e fundit në ‘Stamford Bridge’, pasi me të përfunduar ky sezon, përmbush kontratën e tij me Chelsean.
32 vjeçari ishte transferuar te Chelsea në vitin 2015, nga skuadra e Barcelonës.
Ka disa ditë në Itali që raportohet për një interesim të Romës, por së fundi në garë ka hyrë edhe Juventus.
Lajmi bëhet i ditur nga Il Tempo, që raporton se Juventus po shikon opsionet e transferimeve falas, pas krizës së shkaktuar nga COVID-19.
Pedro gjithashtu po pëlqehet edhe nga trajneri Maurizio Sarri, pasi kanë punuar së bashku te Chelsea.
