Partizani-Skënderbeu, takim i vlefshëm për javën e 27-të të Kategorisë Superiore, do të luhet nesër në orën 20:00 në stadiumin “Selman Stërmasi”.
Axhendën e këtij takimi e ka konfirmuar dje edhe Partizani, që është organizatori i kësaj sfide.
Takimi do të luhet pa praninë e tifozëve, për shkak të rregullave të reja të miratuara pas shpërthimit të pandemisë “COVID-19”.
Të pranishmit në stadium do të jenë në numër të reduktuar, përfshi edhe përfaqësuesit e mediave.