Ethet e takimit Partizani-Skënderbeu, FSHF-ja cakton gjyqtarët që do të vendosin drejtësinë.
Partizani-Skënderbeu, takim i vlefshëm për javën e 27-të, do të gjykohet nga arbitri me stemën e FIFA-s, Enea Jorgji.
Ndihmës të elbasanasit do të jenë Dorjado Myftaraj dhe Astrit Mahmuti. Në të shkuarën Partizani ka pasur polemika me gjyqtarin Jorgji, siç ka qenë rasti i derbit të fazës së dytë, ku drejtori Rama e thirri për t’i sqaruar për rastet e kontestuara nga “demat”.
Në fazën e parë këtë çift e ka gjykuar Olsid Ferataj, ndërsa në të dytën Ardian Beqiri.
