Feronikeli nga Drenasi nxori rezultat të favorshëm në takimin e parë të gjysmëfinales së Digitalb Kupës së Kosovës në futboll.
Skuadra nga Drenasi në udhëtim u nda baras (0:0) me Ballkanin nga Theranda.
Kryetrajneri i Feronikelit, Afrim Tovërlani, tha se treguan lojë të mirë dhe morën rezultat pozitiv.
Trajneri më i trofeshëm në vendin tonë, e pranon se ka qenë vështirë edhe kthimi në fushë pas një pauze të gjatë shkaku i pandemisë Covid 19.
“Mendoj që kemi bërë një paraqitje të mirë dhe lojtarët meritojnë komplimente.
Ishte e vështirë pas një pauze të gjatë.
Megjithatë loja ishte e fortë dhe me ritëm të mirë duke pasur parasysh pauzën dhe kohën e shkurtër të përgatitjeve”, thotë Tovërlani për gazetën kombëtare “Bota sot”.
