TTalenti i Lyonit, Houssem Aouar mbetet njëri ndër futbollistët më të dëshiruar aktualisht nga klube të mëdha evropiane. Loja e tij e mirë ka ka futur në “luftë” Juventusin dhe Manchester City.
Ai ishte vendimtar kundër bardhezinjve në ndeshjen e parë të 1/8 finale të Champions-it. Në pritje të sfidës së kthimit në gusht po mendohet për merkaton. Prej disa kohësh, klubi bardhezi ka punuar për të siguruar talentin e mesfushës së Lyon-it.
Momenti duket i dobishëm, edhe pse rivaliteti me “qytetarët” e Guardiolës është evident. Po ashtu, mësohet se edhe PSG po qëndron në prapavijë, ndaj nuk duhet nënvlerësuar. Megjithatë, rivali i vërtetë, sipas asaj që thuhet në Francë, janë anglezët, me Guardiolën që e kishte tentuar edhe verën e kaluar futbollistin në fjalë.
Bardhezinjtë janë të preferuarit e vetë Aouar. Dhe ne e dimë sa rol ka vullneti i lojtarit në negociata kaq të ngushta. Paratici tashmë ka një plan shumë specik për ta bindur Lyon: një huazim të kushtueshëm 2-vjeçar, me detyrim blerjen përfundimtare.
