Pasioni i tij ishte futbolli. Donte shumë të luante, por ëndrrën ia ndërprenë në mes. Ndodhi të martën në mbrëmje, kur ai kishte shkuar të blinte pije freskuese në një pikë karburanti.
I trembur, ai ishte larguar së bashku me një adoleshent tjetër dhe raportohet që policia e ka qëlluar. E gjithë ngjarja ka ndodhur në Oaxaca, Meksikë.
Alexander mbeti i vdekur dhe më pas u përcoll në banesën e fundit nga familjarët dhe miqtë e tij.
Nderimet kanë qenë të shumta dhe madje një video po bën xhiron e internetit. Shokët dhe familjarët e tij kanë vendosur të shënojnë një gol të fundit për Alexander, që tani nuk jeton më mes tyre.
