Astrit Selmani pati një paraqitje të shkëlqyer në ndeshjen mes Varbergut dhe Helsingborgut së fundmi.
Futbollisti shqiptar me prejardhje nga Kosova i cili paraqitet te Varbergu ka realizuar dy gola dhe ka dhuruar një asistim në fitoren e skuadrës së tij.
Dy golat, Selmani i shënoi me mjeshtëri duke treguar potencialin e tij.
“Padyshim që ndihem mirë, kam presion brenda vetes për të shënuar gola dhe për të dhuruar asistime”, deklaroi Selmani për “SVT Sport”.
Ndryshe, kampionati suedez filloi në fundjavë pas një pauze më të gjatë shkaku i COVID-19.
