Nesër (e mërkurë) luhen ndeshjet kthyese në kuadër të gjysmëfinales së Kupës së Kosovës.
E gjithë vëmendja do të jetë në stadiumin “Rexhep Rexhepi” të Drenasit, me Feronikelin që pret Ballkanin.
Në lidhje me këtë takim ka folur trajneri i Ballkanit, Ismet Munishi.
Munishi shprehet i bindur që skuadra e tij do të dal triumfuese nga ky takim dhe do të jetë pjesë e finales.
“Tovërlani ka bërë punë shumë të mirë te Nikli. Në ndeshjen e parë patën raste më shumë se ne edhe pse ne e dominuam lojën. Mendoj se rezultati 0:0 nga ndeshja e parë është i mirë për ne.Jam i bindur që sukseset e Fc Ballkanit do të vazhdojnë”, ishin fjalët e Munishit.
Ndeshja e parë që u zhvillua para dy javësh në Suharekë përfundoi pa gola.
Drenica – Prishtina është gjysmëfinalja e dytë që luhet në stadiumin “Bajram Aliu” të Skënderajt.
Prishtinasit në këtë takim hyjnë me epërsi prej 3:0.
