Gjatë ditë së djeshme, janë luajtur tri ndeshjet e para në Superligën e Kosovës në kuadër të javës së 26-të.
Skuadrat gjilanase, Drita dhe Gjilani, kanë arritur të shënojnë fitore me lehtësi kundër Vushtrrisë dhe Dukagjinit. Ndërsa, në Mitrovicë, Trepça ’89 dhe Flamurtari kanë luajtur baras 1-1.
Kurse, sot na presin edhe tri ndeshje tjera mjaftë interesante.
Ndeshja kryesore pritet të zhvillohet në stadiumin “Zahir Pajazitit” të Podujevës, ku Llapi do të jetë nikoqir i Prishtinës.
Interesant pritet të jetë edhe në Drenas, ku ballafaqohen dy skuadrat lokale, Feronikeli dhe Drenica.
Skuadra e Ballkanit do të jetë mysafir i Ferizajit.
Kujtojmë që të gjitha takimet do të luhen nga ora 16:45.
