Këndellet Prishtina

Futboll

Këndellet Prishtina

Më: 29 qershor 2020 Në ora: 21:36
Prishtina

Prishtina e ka mposhtur 3-1 Feronikelin në “Fadil Vokrri”. Pas kësaj fitore, Prishtina ka shkuar në kuotën e 54 pikëve në vendin e dytë, katër më pak se lideri, Drita.

Ndeshja e fundit për xhiron e 27 në IPKO Superligën e Kosovës është zhvilluar në stadiumin “Fadil Vokrri”.

Prishtina e priti Feronikelin, të cilën skuadër e mposhti 3-1, pak ditë pasi barazoi 1-1 me Llapin.

45 minutat e pjesës së parë sollën tre gola, vendasit triumfuan 2-1 mysafirët.

Dy gola u shënuan për një minutë, fillimisht Otto John e kaloi Prishtinën në epërsi në minutën e 11’, por mysafirët reaguan me Albert Dabiqaj dhe barazuan në minutën e 12’.

Sido që të jetë, pas tentimeve të shumta, Prishtina ia arriti qëllimit që të shkojë në pushim të pjesës së parë me avantazhin e një goli.

Gauthier Mankenda realizoi për 2-1 në minutën e 45’.

Në pjesën e dytë, për të konfirmuar formën e mirë, Prishtina e gjeti edhe njëherë golin, që doli të jetë i fundit për këtë takim.

Ahmed Januzi realizoi në minutën e 57’ për rezultatin përfundimtar 3-1.

Pas kësaj fitore, Prishtina ka shkuar në kuotën e 54 pikëve në vendin e dytë, katër më pak se lideri, Drita. 

commentFirst article
Sot mund të lexoni Shfletoni kopertinat