Fitorja e djeshme e Manchester Cityt ndaj Liverpoolit (4:0) vazhdon të mbetet temë aktuale.
Kjo ishte një humbje turpëruese për kampionët e rinj të Anglisë dhe për këtë arsye trajneri i “Të Kuqve”, Jurgen Klopp ishte i mërzitur.
Ish lojtari i Manchester United, Roy Keane, ngriti në piedestal figurën e Kloppit. Në kanalin anglez “Football Daily“, Keane analizoi konferencën për shtyp të trajnerit të Liverpoolit, i cili, megjithatë, nuk duhet të mërzitet shumë për këtë disfatë pasi ka fituar kampionatin.
“Ai nuk u mërzit me pyetjet që i bënë gazetarët. Absolutisht! Ai ishte tejet i acaruar me skuadrën e tij, që pësuan këtë humbje turpëruese. Kur fiton kampionatin para kohe ti shkon 1 ose 2 javë në klube nate, por përsëri të duhet të kthehesh tek futbolli”.
“Asnjë trajner nuk do që skuadra e tij të humbë 4:0, sidomos kur ka mjaft raste shënimi. Për mënyrën sesa seriozisht e merr situatën Klopp është një sinjal kryesor pse Liverpooli do të jetë kampionë dhe për shumë vite të tjera”, u shpreh Roy Keane.
