Java e 28-të përmbyllet sot me dy super-përballje.
Padyshim ndeshja kryesore është ajo në Podujevë ku Llapi ndeshet me Dritën që nis nga ora 17:00, megjithatë jo gjithçka ka nisur mirë për taborin e skuadrës gjilanase.
Është Liridon Leci, që ka pasur një telashe me trajnerin Ardian Nuhiu pasi i pakënaqur me formacionin (mbeti në bankën rezervë), ka lëshuar zhveshtoren.
Drejtori sportive i Dritës, Valon Zymberi për gazetën "Olle" ka sqaruar situatën e ndodhur sot.
“Ka qenë në 18-she por jo në formacion titullar dhe dëshira e tij ishte që ai të luante, por ishte paksa i lënduar dhe trajneri nuk vendosi për të”.
“Ai (Leci) nga gjendja paksa e pakënaqur ka dalë. Pra, Leci ka dashur të luajë këtë takim të rëndësishëm dhe nga mërzia u largua edhe nga 18-shja”, përfundoi Zymberi.
