Barcelona nuk ka aspak ndërmend të heqë dorë nga Lautaro Martinez. Më 7 korrik është data e fundit që Interi mund të përfitojë 111 milionë euro nga shitja e argjentinasit, por presidenti i blaugranave Josep Maria Bartomeu ka lënë të kuptohet se edhe përtej kësaj date ai do të bëjë çmos për të siguruar shërbimet e Lautaros.
Bartomeu është shprehur se nuk ka një datë fikse për afrimin e lojtarëve, deklaratë që lë të kuptohet se vera do ta gjejë tepër aktive skuadrën katalanase.
Ndërkohë, nëse nga Lautaro Barcelona nuk heq dorë, e njëjta gjë nuk vlen për Neymar. Për brazilianin Bartomeu është shprehur se ka shanse që sulmuesi i PSG të rikthehet në Katalonjë. Kjo për shkak të situatës së vështirë financiare që po kalojnë klube të ndryshme në Europë.
Përsa i përket emrit të Miralem Pjanic, kreu i klubit katalanas ka deklaruar se boshnjaku ishte një lojtar të cilin, katalanasit kishin kohë që e kërkonin. Më tej ai shtoi se shkëmbimi Arthur-Pjanic nuk u bë për të rregulluar bilancin ekonomik të klubit, sepse për një gjë të tillë blaugranat kanë marrë oferta për shumë futbollistë që në përfundim të sezonit do të largohen.
