Chelsea ka udhëtuar drejt Selhurst Park me disa mungesa për t’u përballur me Crsytal Palance, në përpjekje për ta ruajtur pozitën në top katërshe të Premierligës.
Palace e pret Chelsean në Selhurst Park për ndeshjen e javës së 34-të, që nis në orën 19:00.
Siç qëndrojnë gjërat, Chelsea renditet i katërti dhe ngel një pikë prapa vendit të tretë, por ndiqet nga Manchester United që i ka vetëm dy pikë më pak në vendin e pestë.
Wolves nuk qëndron larg me pesë pikë më pak, në një luftë të rreptë për top katërshe në ligën elitare angleze.
Skuadra e Frank Lampard vjen nga një fitore bindëse 3:0 kundër Watfordit në ndeshjen e fundit dhe synon tri pikë të reja sot për ta vazhduar rrugën drejt kualifikimit në Ligën e Kampionëve.
Të kaltrit nuk do të mundë të llogarisin në N’Golo Kante dhe Matteo Kovacic.
Palace, ndërkohë, nuk di për fitore në tri ndeshjet e fundit por ngel në pozitën e 14-të.
