Mesfushori i Arsenalit, Matteo Guendouzi raportohet se është në bisedime me kampionin aktual të Spanjës, Barcelonën.
Futbollisti në fjalë nuk ka raporte të mira me trajnerin e “Topgjinjëve”, Mikel Arteta i cili e ka larguar nga stërvitjet grupore.
Sipas “L’Equipe”, skuadrat e interesuara për të janë Interi, Atletico Madridi si dhe Barcelona. Kjo e fundit duket se është në bisedimë më të avancuara edhe pse nuk ka asgjë konkrete.
“Gunners” kërkojnë më së paku 36 milionë euro për ta liruar futbollistin, derisa janë të gatshëm të dëgjojnë oferta edhe për huazim.
