“Kemi besim te ti për të ardhmen”.
Ky duket se ka qenë mesazhi që drejtuesit e Barcelona-s i kanë dhënë Antoine Griezmann lidhje me të ardhmen e tij.
Sulmuesi francez i katalanasve, sipas’Equipe, duket se ka zhvilluar një takim sekret me drejtuesit e klubit të martën.
Nga sa mësohet, Griezmann është më i qetë tani në krahasim me disa javë më parë, kur përjashtimi i radhës nga formacioni titullar në ndeshjen kundër Atletico Madrid e ka bezdisur shumë.
Antoine duket se është takuar me Eric Abidal, i shoqëruar nga përfaqësuesit e tij dhe motra, që është edhe menaxherja e tij.
Barcelona mësohet t’i ketë dhënë garanci lojtarit në lidhje me rolin e rëndësishëm që ka për skuadrën.
Drejtuesit janë të bindur se sezoni i dytë i Griezmann, i cili ka një kontratë deri në 2024-, do të jetë shumë më i mirë se i pari dhe për këtë arsye kanë dashur t’i garantojnë qëndrimin në Katalonjë.
Francezi, nga ana e tij, ka treguar, siç ka ndodhur në ndeshjen kundër Villarreal, se ka dëshirë të tregojë të gjithë vlerat e tij për trajnerin, drejtuesit dhe tifozët.