Sot në “Fadil Vokrri” zhvillohet super-sfida kampionale mes Dritës dhe Prishtinës, që mund të vendosë për një pjesë të madhe fatin e kampionatit të dy ekipeve.
Skuadrat e zhvillojnë sot ndeshjen e 48 zyrtare në garat e pasluftës.
Në 47 duelet, Prishtina ka shënuar 21 fitore, Drita ka 10, ndërsa 16 herë skuadrat kanë luajtur baras.
Gol dallimi mes skuadrave është në të mirë të Prishtinës, +25, 61:37.
Rezultati më i shpeshtë në 47 përballjet mes ekipeve është barazimi 1:1.
Prishtinës i konvenon vetëm fitorja për të qenë në luftë për dy pozitat e para.
Trepikëshin do ta kërkojë edhe Drita, e cila s’guxon ta lejojë Ballkanin t’i afrohet, duke e ditur që në xhiron e fundit udhëton drejt Suharekës.
Gjyqtar kryesor i përballjes së sotme do të jetë Dardan Caka, i cili do të ndihmohet nga asistentët me stemë të FIFA-s, Fatlum Berisha dhe Bujar Selimaj.
Ndeshja sot fillon prej orës 18:00 në “Fadil Vokrri”.
