Mourinho s’e do Ligën e Evropës: Është sikur Lewis Hamilton ta fitojë Formula 2 - Bota Sot
Mourinho s’e do Ligën e Evropës: Është sikur Lewis Hamilton ta fitojë Formula 2

Futboll

Mourinho s’e do Ligën e Evropës: Është sikur Lewis Hamilton ta fitojë Formula 2

Më: 13 korrik 2020 Në ora: 10:03
Mourinho

Jose Mourinho dëshiron ta udhëheqë Tottenhamit drejt Ligës së Evropës, edhe pse tha se pjesëmarrja në këtë garë është ngjashëm si Lewis Hamiltonit të garojë në Formula 2.

Tottenhami e mundi 2:1 Arsenalin në derbin e Londrës veriore të dielën në Premierligë, duke u ngjitur në pozitën e tetë në renditje dhe duke i rritur shanset për ta siguruar një vend në Ligën e Evropës sezonin e ardhshëm.

Mourinho është i etur për t’u kualifikuar në Ligën e Evropës, edhe pse tha se të luash në këtë garë është njëlloj sikur kampioni i botës në Formula 1 Hamilton të garojë në një garë të nivelit më të ulët.

“Liga e Evropës nuk është gara më e madhe në Evropë. Por është e dyta dhe kur një klub e fiton Ligën e Kampionëve apo kur një lojtar apo trajner e fiton… mund ta pyesni Lewis Hamiltonin po të doni, nëse ai dëshiron ta fitojë Formula 2 apo 3000 apo si do që e quani jo, nuk mendoj se do të jetë punë e madhe për të”, tha Mourinho.

“Por edhe kjo është garë dhe unë parapëlqej të luaj në Ligën e Evropës sesa të mos luaj fare. Mendoj se është një trofe që Tottenhami do të donte ta fitojë”, shtoi ai.

Shfaq komentet
comments powered by Disqus
Sot mund të lexoni Shfletoni kopertinat