Sulmuesi gabonez dëshiron ta kuptojë nëse Arsenali do të luajë në Evropë apo jo, për të vendosur më pas për të ardhmen e tij
Finalja e FA Cup do të jetë mjaft e rëndësishme për Arsenalin.
Në fakt, nga kjo lojë do të varet edhe e ardhmja e Pierre-Emerick Aubameyangut.
Sulmuesi gabonez dëshiron ta kuptojë nëse “Topçinjtë” do të luajnë apo jo në Evropë sezonin tjetër, për të vendosur më pas për të ardhmen e tij.
Nëse “Gunners” e mposhtin Chelsean në finale të shtunën, do ta siguronin edhe kualifikimin në Europa League.
Mediumi britanik “The Mirror” shkruan se futbollisti ofanziv dëshiron të luajë në Ligën e Evropës ose Ligën e Kampionëve.
Nëse këtë gjë nuk ia mundëson klubi nga “Emirates Stadium”, lojtari do ta kërkojë largimin.
Ëndërr e 31 vjeçarit është të luajë në Real Madrid.