Milani dhe Napoli janë në bisedime me Norwichin për mbrojtësin Ben Godfrey, raportojnë mediet italiane. 22-vjeçari nuk arriti dot ta shpëtojë klubin anglez prej rënies nga elita pas 30 paraqitjeve të tij këtë edicion.
“Calciomercato.it” raporton se ai ka tërhequr vëmendjen e disa klubeve italiane, duke përfshirë Milanin dhe Napolin.
Raportohet se menaxheri i Godfreyt është takuar me përfaqësuesit e Milanit më herët gjatë kësaj jave.
Norwichi dëshiron rreth 30 milionë euro për lojtarin, i cili ka kontratë me klubin deri në qershor të vitit 2023.
