Arsenal është gati për ndryshime rrënjësore në skuadër.
‘Dora e hekurt’ e Mikel Arteta duket se ka filluar të ndjehet te skuadra e Arsenal, ku thuhet se do të ketë largime të shumta gjatë kësaj vere.
Sipas raportimeve të ‘Dailymail’, ‘Gunners’ janë gati të largojnë plot nëntë lojtarë nga skuadra.
Në mesin e nëntë lojtarëve që mund të largohen nga Arsenal janë edhe dyshja Hector Bellerin e Alexandre Lacazette.
Listës i bashkohen edhe emra të tjerë si Henrikh Mkhitaryan i cili këtë sezon luajti te Roma, por edhe Sead Kolasinac që deri vonë ishte në planet e para.
Më mirë situata nuk qëndron as për Shkodran Mustafin, Rob Holding, Lucas Torreira e Sokratis.
Në anën tjetër, Matteo Guendouzi është lojtari nga i cili Arsenal mund të fitojë më shumë, pasi me kartonin e tij dhe nëntë milionë funte të tjera thuhet se londinezët mund të sigurojnë Philippe Coutinhon.
Mbetet të shihet se si do të shkojnë punët për Arsenal në merkaton e verës.
