Futbollisti kolumbian i Real Madridit, James Rodriguez e ka një histori të jashtëzakonshme në jetën e tij.
Për gjithçka që ka arritur në futboll, James duhet ta falënderojë një njeri - Don Gustavo Upegi, ai i cili e pa talentin e tij i pari.
Upegi ishte një partner i bosit më të famshëm të drogës, Pablo Escobar dhe ai kryente punët më të ndyre, si likuidime dhe zhvatje.
Kur James u transferua në Real Madrid, mediat kolumbiane e publikuan për herë të parë një histori që e lidh futbollistin e famshëm me mashtruesin e famshëm.
Në vitet e 90-ta, ishte në modë në Kolumbi që xhuxhët të blinin klube futbolli, kështu që Upegi investoi tek Envigado, një skuadër e ligës së dytë.
Plani ishte për të zbuluar talente të reja, për t'iu dhënë atyre një mundësi për t'u zhvilluar, në mënyrë që të shiten drejt Evropës më pas.
Kështu, James është emri më i famshëm që ai ka zbuluar, por edhe disa lojtarë të famshëm kanë luajtur në klubin e Upegit si Fredy Guardin, Juan Fernando Quintero, Dorlan Parbon dhe të tjerë.
Historia e raporteve mes Rodriguezit dhe Upegit nisi në vitin 2003.
James lindi në vitin 1991 në një qytezë të vogël në Kolumbinë verilindore. Që në moshë të re, ai tregoi një talent të pazakontë dhe Upegi bindi familjen e tij për t'ia lënë në përkujdesje karrierën e tij.
Prindërit e James u pajtuan me këtë dhe Upegi ia doli që me sukses ta dërgonte Jamesin në Evropë, ku sot ai luan te Real Madridi.
