Florian Kamberi është i vendosur të luajë në Zvicër me skuadrën e St. Gallenit. Sulmuesi, që pret të debutojë me Shqipërinë ka refuzuar një kontratë dy-vjeçare për të luajtur me Glasgou Rangers.
Media skoceze “Sun Sport” raporton se klubi i njohur i Skocisë, i cili ka për trajner Steven Gerrardin, i ka ofruar lojtarit shqiptar një marrëveshje për ta blerë dhe për të qëndruar për dy vite me ta.
Por, Kamberi ka preferuar nënkampionët e Zvicrës St. Gallenin, të cilët do të luajnë sezonin e ardhshëm në Ligën e Europës.
Megjithëse la mbresa pozitive te Gerrard, Kamberi ka zgjedhur kampionatin zviceran, pasi aty ka hedhur hapat e para si lojtar profesionist dhe ka kaluar një pjesë të mirë të karrierës.