Piter Olainka është një nga lojtarë e huaj më të mirë që ka luajtur ndonjëherë në kampionatin shqiptar, i cili tregoi paraqitje të shkëlqyera me Skënderbeun, me korçarët që e kishin marrë atë nga Bylisi.
Këtë sezon nigeriani shkëlqeu në Ligën e Kampionëve me Spartën e Pragës, teksa tërhoqi vëmendjen e të gjithëve me golin e shënuar nga Interit në “San Siro”.
Megjithatë tashmë sulmuesi është gati për hapin tjetër të madh dhe sezonin e ardhshëm mund ta shohim në Bundesligë.
Sipas raportimeve të fundit, në gjurmët e ish-sulmuesit të Skënderbeut është vënë Shtutgarti. Këta të fundit u kthyen këtë sezon në Bundesligë dhe janë në kërkim të një sulmuesi. Olainka është në listën e dëshirave të drejtuesve gjermanë. Për ta lënë të lirë lojtarin Sparta e Pragës kërkon të paktën 4.5 milionë euro.