Gjithçka e qartë, dihen çerekfinalistët e Europa League në futboll. Baseli (Zvicër), Manchester Utd, Wolves (Anglia), Bayer Leverkusen (Gjermani), Shakhtar (Ukraina), Copenhagen (Danimarka), Sevilla (Spanjë) dhe Interi (Itali) kualifikohen në çerekfinale.
Skuadra angleze Wolves e mposhti me rezultat minimal 1:0 skuadrën greke Olympiacos, në takimin që u zhvillua në stadiumin “Molineux” në Wolverhampton. Në minutën e 9-të, Jimenez me lehtësi shënoi nga penalltia, i cili plason topin në anën e majtë dhe portieri Allain shkoi në të djathtën.
Olympaicos u përpoq maksimalisht por nuk ia arriti dot që të realizojë në portën e vendasve, që me sukses e ruajtën epërsinë e hershme.
Sfida e parë ka përfunduar 1:1 dhe Wolves me rezultat të përgjithshëm 2:1 kualifikohet më tej.
Në çerekfinale takohen:
Shakhtar-Basel
Inter-Bayer
Manchester Utd-Copenhagen
Sevilla-Wolves
