Novi Pazari i ka dhënë një grusht të rëndë Partizanit të Beogradit, duke e mposhtur me rezultat 3:2, në ndeshjen e javës së dytë të Superligës së Serbisë.
Pas një kohe në media serbe shfaqet ish futbollisti nga Kosova, ish lojtari i Remontit të Mitrovicës, Xhevat Prekazi, ndryshe pjesën më të madhe e ka kaluar si lojtar në Partizan të Beogradit, pastaj edhe në Hajduk të Splitit dhe në Galatarasay.
Prekazi vajton humbjen e Partizanit, duket se e ka mërzitur shumë se si u mundën nga një ekip e Sanxhakut.
E habitshme apo jo!
“Jam i mërzitur, vëlla. Partizani nuk është skuadra e vërtetë”, tha mes të tjera Prekazi për ‘Kurir’.
Prekazi kritikon mbrojtjen e Partizanit dhe është i mërzitur për këtë humbje gjatë kësaj jave.
Prekazi kurrë nuk e fsheh dashurinë që e ka për Partizanin, sërish e thotë hapur! Kjo nuk është për t'u çuditur, sepse qëndrimet e Prekazit si gjithmonë dihen, pro Partizanit të Beogradit!