Ish-drejtori sportiv i Valencias, Amedeo Karboni ka zbuluar se Kristiano Ronaldo kishte rëndë dakord të linte Mançester Junajtid për Valencian në vitin 2006, por kjo lëvizje nuk u konkretizua kurrë. Ylli portugez ishte gati të largohej nga “Old Traford” pas Kupës së Botës në Gjermani.
Në një intervistë për “ Il Posticipo” Karboni zbuloi prapaskenën me sulmuesin e Juventusit. “Valencia në atë kohë kishte financat për të marrë Ronaldon në skuadër.
Ne arritëm marrëveshje me “Nike” dhe “Coca Cola” të cilët ishin edhe sponsorët e lojtarit. Ronaldo do përfitonte 10 milionë euro në sezon, e cila ishte një shumë e lartë në atë kohë. Në sezonin 2006-2007 Valencia po përjetonte një rritje ekonomike dhe sportive, dhe unë arrita të merrja një “Po” nga Kristiano Ronaldo. Kontrata u firmos edhe nga agjenti i tij, Horge Mendes, por në fund nuk u konkretizua”, tregon Karboni.
Më pas Kristiano Ronaldo kaloi edhe tre vite tek Mançester Junajtid për të kaluar më pas në Spanjë por jo tek Valencia por tek Real Madrid.
