Setien: Nuk më kanë shkuar fare në mendje

Futboll

Setien: Nuk më kanë shkuar fare në mendje

Më: 7 gusht 2020 Në ora: 16:50
Setien:  Nuk më kanë shkuar fare në mendje

Trajneri Quique Setien thotë se as që i ka shkuar në mendje se përballja e së shtunës kundër Napolit në 1/8 e finales së Ligës së Kampionëve mund të jetë ndeshja e tij e fundit si trajner i Barcelonës.

Quique Setien e zëvendësoi Ernesto Valverden në postin e trajnerit në janar, mirëpo është përballur vazhdimisht me pyetje dhe dyshime lidhur me të ardhmen e tij.

Derisa Reali po përgatitet për ‘finale’, Bale po luan golf

61-vjeçari, që nënshkroi marrëveshje dyvjeçare e gjysmë në Camp Nou, insistoi muajin e kaluar, para se Real Madridi ta fitonte titullin e kampionit të La Ligës, se ai nuk e harxhon asnjë minutë duke menduar se mund ta humbë punën si trajner i katalonasve.

Barcelona dhe Napoli do të luftojnë me njëri-tjetrin për një vend në çerekfinale të Ligës së Kampionëve të shtunën në Camp Nou, pasi që ndeshja e parë, e zhvilluar në shkurt, përfundoi me barazim 1:1.

E përkundër që e ardhmja e tij është vënë vazhdimisht në dyshim, Setien ka insistuar se atij as që i shkon në mendje ideja se kjo përballje mund të jetë e fundit për të në postin e trajnerit në Camp Nou.

“Nuk më ka shkuar në mendje në asnjë moment se e nesërmja mund të jetë ndeshja ime e fundit këtu”, ka thënë Setien.

“Ne jemi përgatitur për këtë ndeshje me mendimin se do të vazhdojmë edhe më tutje së bashku”.

Shfaq komentet
comments powered by Disqus
Sot mund të lexoni Shfletoni kopertinat