Bale tallet keq me Real-in, shikoni çfarë bën pak orë para ndeshjes vendimtare në Champions

Futboll

Bale tallet keq me Real-in, shikoni çfarë bën pak orë para ndeshjes vendimtare në Champions

Më: 7 gusht 2020 Në ora: 19:34
Gareth Bale

Sipas disa imazheve, që ka publikuar programi “La Sexta” i “El Chiringuito de Jugones”, Gareth Bale është “kapur mat”, duke luajtur golf, në të njëjtën kohë që Zinedine Zidane duhet të jetë duke bërë analizën përkatëse para sfidës vendimtare, që Real Madridi do ta luajë sonte në “Etihad”, ndaj Manchester City.

Dje, në konferencë për shtyp, trajneri francez e bëri të qartë se “Bale ka preferuar të mos luajë në këtë ndeshje”, ndaj edhe nuk është grumbulluar fare, ndërsa pas mesditës së sotme, pak orë para se të bardhët të tentojnë përmbysjen ndaj të besuarve të Guardiolës (e kanë humbur 2-1 ndeshjen e parë të këtij raundi, në “Bernabeu”), futbollisti uellsian është parë duke praktikuar golf-in, sportin e tij të preferuar në kohën e lirë.

Një tjetër veprim kontravers i Bale, pikërisht kur pjesa tjetër e shokëve të tij të skuadrës janë të përqendruar për të luajtur fatin e tyre në Ligën e Kampionëve.

Image

 

Shfaq komentet
comments powered by Disqus
Sot mund të lexoni Shfletoni kopertinat