Zhvillime të jashtëzakonshme në Nyon të Zvicrës, ku Drita tani do të duhej të ishte në fushë duke u përballur me Inter d’Escaldes, në kërkim të biletës për finalen e fazës preliminare të kualifikimeve për Ligën e Kampionëve.
Mbrojtësi Fidan Gërbeshi ka rezultuar pozitiv në testin për Covid-19 para ndeshjes, derisa bashkë me të është izoluar edhe Bujar Shabani.
Mesfushori nuk ka dalë pozitiv, mirëpo për shkak të kontaktit me Gërbeshin, UEFA ka udhëzuar vetizolimin e tij.
Në një prononcim për gazetën, Shabani ndihet i trishtuar që s’mund të ndihmojë ekipin në një ndeshje kaq të rëndësishme.
“Jam i trishtuar. Po ndihem shumë keq. Shpresoj që kjo situatë të kalojë sa më shpejtë dhe skuadra të kalojë këtë raund të garave”, deklaroi Shabani për Olle.
