Gianluigi Buffon ka reaguar pas zyrtarizimit të Andre Pirlos në stolin e Juventusit. Ish-shoku i tij i skuadrës te Juventusi dhe tek Italia mori vendin e teknikut Maurizio Sarri dhe portieri legjendar ka komentuar në rrjetet sociale.
“Tani duhet të të them mister!?!?! Paç shumë fat në sfidën tënde të re, trajner Pirlo”, – shkruan shkurtimisht Buffon duke ndarë një foto për ndjekësit e tij me mikun e tij Pirlo.
Interesant është fakti që Buffon është më i madh se Pirlo, pasi “Gardiani i portës” është 42 vjeç, ndërsa tekniku i ri i Juventusit është 41 vjeç.
