Kohëra që nuk përsëriten më! Liria e Prizrenit, skuadër me renome të futbollit dhe që ka lënë gjurmë në vitet e 80-ta, sidomos kur u kualifikuan në çerekfinale të Kupës së Marshall Titos në vitin 1989, por u eliminuan nga Velezhi i Mostarit.
Në Mostar Velezhi kishte fituar me 2:0 dhe në Prizren u ndanë baras (2:2).
Liria që në vitin 1988-1989 dhe në vitin 1989-1990 ka qenë anëtare e Ligës së Dytë Unike të ish Jugosllavisë. E kujtojmë një ndeshje të vitit 1981 pikërisht me 13 shtator, ku në stadiumin në Prizren ishin mbi 8 mijë shikues.
Liria si vendas barazoi me rezultat 1:1 me klubin serb Bori. Rexhep Gaxholli, Sokol Hadri, Skënder Shengyli, Shemsedin Ajeti, Ilir Rugova, Naxhi Gashi, Tahir Pirrolli, Behajdin e Bedridin Gjinali, Nevzat Shinik etj. ishin pjesë e Lirisë.
Naxhi Gashi kishte shënuar gol kundër Borit. Liria kishte përfunduar në vend të 12-të me 27 pikë, duke siguruar mbijetesën në Ligën e Dytë të Lindjes.
Java e 5-të, me 13 shtator 1981
Shikues: 8000.
Gjyqtar: Radoviq.
Shënues:Naxhi Gashi (49') - Vitanoviq (59').
Liria: Markoviq, Shengyli, Gjinali, Gashi, Hadri, Shinik, Rugova (Duraku), Ajeti, Gaxholli, Noviçeviq dhe Pirolli.
Bori: Brankoviq, Z. Nikoliq, Popoviq, Zhivaleviq, Luçiq, Tomiq, Mitiq (Joka), Ivanov, Markoviq, Zhivkoviq (Banduka) dhe Vitanoviq.
