Atletico Madrid ka njoftuar se ka pasur dy teste pozitive për COVID-19 në nisjen e tyre drejt Lisbonës në kuadër të Ligës së Kampionëve.
Turneu i ‘Final Eight’ në Lisbonë nis më 12 gusht me ndeshjen Atalanta – PSG, ndërsa një ditë më vonë Leipzig përballet me Atleticon.
Klubi spanjoll nuk ka bërë të ditur nëse rastet pozitive janë futbollistë apo anëtarë të stafit, megjithatë e përditshmja AS ka arritur të kuptojë se bëhet fjalë për dy futbollistë.
Los Colchoneros janë të shqetësuar që numri i rasteve mund të rritet në ekipin e tyre.
Dy futbollistët pozitivë tashmë janë të vetizoluar.
