Vedat Muriqi është dëshira e madhe e Simone Inzaghit.
Sipas “Gazzetta Dello Sport”, Lazio është e gatshme të bëjë ofertë për sulmuesin shqiptar të Fenerbahces, Vedat Muriqi.
Italianët janë duke shpresuar që të ulin çmimin e vënë nga klubi turk 20 milionë euro, pas krizës së krijuar për shkak të pandemisë së COVID-19.
Por, edhe nëse nuk arrijnë t’i bindin, Lazio është e gatshme të plotësojë kërkesën e Fenerbahces, vetëm që të sigurojë shërbimet e Muriqit, për të cilin tashmë ka nisur punë drejtori sportiv shqiptar i Lazios, Igli Tare.
Muriqi ka shënuar 17 gola në 36 paraqitje në të gjitha garat për Fenerbahcen në sezonin 2019/20.
Për Muriqin interesohen edhe klube nga Anglia dhe Franca.
