Pogba “një dhuratë ideale” për Pirlon në Juventus – thotë Toni

Futboll

Pogba “një dhuratë ideale” për Pirlon në Juventus – thotë Toni

Më: 10 gusht 2020 Në ora: 18:10
Pogba

Ish ylli i bardhezinjve ka këshilluar ish klubin e tij që të transferojë mesfushorin e Manchester United këtë verë

Paul Pogba do të ishte një “dhuratë ideale” për Andrea Pirlon pas emërimit të tij si trajner i Juventusit, sipas ish shokut të tij të skuadrës Luca Toni.

Francezi kishte fituar tetë kupa për katër sezone me Juven – tri prej të cilave kishte luajtur bashkë me Pirlon – para se ai të rikthehet në Old Trafford më 2016.

“Duke e njohur Andrean, ai do ta ndërtoj skuadrën e tij nga mesfusha”, tha ai për Tuttosport. “Pogba do të ishte një dhuratë ideale për të. Nuk e di a është kjo e mundshme, por sigurisht që do të ishte opsioni më i mirë”.

“Andrea nuk do të jetë një trajner i cili fokusohet në mbrojtje dhe kundërsulme. Ai pëlqen të dominojë me posedim të topit dhe dëshiron që të ndërtojë një skuadër sulmuese”.

“Nuk e di çfarë sistemi do të përdorë ai dhe nuk mendoj se kjo ka rëndësi. Andrea është inteligjent dhe fleksibil”, ka thënë Toni. 

Shfaq komentet
comments powered by Disqus
Sot mund të lexoni Shfletoni kopertinat