Drita ka bërë të ditur se është njoftuar nga UEFA se vendimi për ndeshjen e pezulluar të fazës preliminare për kualifikimet e Ligës së Kampionëve ndaj Linfield është shtyrë.
Komisioni Disiplinor i UEFA-s ka dërguar rastin te Organi i Apelit, shkruan Olle.
Linfield është kthyer sot në Irlandën e Veriut.
Tani skuadra po bëhet gati për ndeshjen miqësore të së shtunës, ku do të përballet me ish-anëtarin e Premierligës, Stoke Cityn.
Zhvillimi i ndeshjes është konfirmuar nga faqja zyrtare e Linfield.