Juventus ka hapur derën e largimit për dy lojtarë.
Ardhja e Andrea Pirlo në krye të stolit te skuadra e Juventus duket se do të përcillet me shumë ndryshime në fondin e lojtarëve.
Trajneri Pirlo ka bërë të ditur tashmë emrat që i dëshiron në skuadër, por edhe ata që do t’i largojë nga aty.
Sipas raportimeve të ‘Goal’, Gonzalo Higuain dhe Sami Khedira nuk janë në planet e Pirlo.
Skuadra kampione e Serie A ka njoftuar që të dy lojtarët se ata mund të largohen këtë verë.
Higuain lidhet me një rikthim të mundshëm në Argjentinë, kurse për Sami Khedira gjithçka mbetet në mjegull.
