Megjithë mohimet e agjentit, nga Spanja sot rindizen thashethemet në lidhje me një largim të mundshëm të Cristiano Ronaldos nga Juventusi.
Për largimin e Ronaldos nga Juventusi dhe një kalim të mundshëm në Barcelonë, është raportuar gjatë ditës së djeshme.
Këtë herë ka qenë programi El Chiringuito – gjithmonë i informuar mirë për ngjarjet në Real Madrid – që zbulon se Jorge Mendes, agjent i CR7, kishte ofruar klientin e tij te Paris Saint Germain, Real Madrid dhe Barcelona.
Vetë Portugezi do të kishte hapur një dritare për lamtumirën nga Juventus, por këmbëngulja është e agjentit që shtyn për ndryshimin e fanellës.