Ballkani mbrëmë zyrtarizoi super-transferimin e radhës, duke siguruar shërbimet e mbrojtësit anësor më të mirë në vend, Armend Thaqit.
Përkundër propozimit të Prishtinës për të qëndruar në “Fadil Vokrri” dhe në anën tjetër ofertave nga Drita e Gjilani, Thaqi i tha “po” klubit nga Suhareka duke hapur një faqe të re në karrierën e tij.
Mirëpo, pse ai nuk është prezantuar ende me fanellën portokallezi?
Media mëson që Thaqi është i izoluar për shkak se ka dalë pozitiv me virusin Covid-19.
Kësisoj, karantina ia ka pamundësuar prezantimin në Suharekë, por një gjë të tillë do ta bëjë pasi të dalë negativ.
Me transferimin e Thaqit, Ballkani ka kompletuar repartin e mbrojtjes, që me emra është më cilësori në vend.