Futbollisti shqiptar me pasaportë zvicerane, Granit Xhaka, edhe zyrtarisht është emëruar kapiten i Kombëtares së Zvicrës.
Zvicra do të luajë me Ukrainën derisa Xhaka këtë ndeshje do ta udhëheqë si kapiten i helvetikëve.
“Jam tejet krenar që jam në gjendje ta përfaqësojë vendin tim. Veçanërisht si kapiten. Ëndrra më e madhe m'u bë realitet”, ka thënë Xhaka.
Të kujtojmë se pas pensionimit të Stephan Lichtsteiner, shiriti i kapitenit për disa ndeshje iu besua Xherdan Shaqirit, ndërsa tash kjo ka kaluar te shqiptari tjetër Granit Xhaka.
Graniti i ka 82 paraqitje për ekipin e Zvicrës deri tani, si dhe ka shënuar 12 gola.