Ronald Koeman ka treguar satisfaksion me atë çfarë ka parë në stërvitjen e Barcelonës.
Katalanasit do përballen me Gimnastik De Tarragona dhe trajneri është i lumtur me përgatitjet.
“Stërvitja është shumë pozitive. Lojtarët kanë treguar interes dhe shumë shpirt gare.
Jam shumë i kënaqur me skuadrën deri tani”, tha Koeman për kanalin zyrtar të Barcelonës. Më pas hollandezi foli edhe për Mesin. “Ai është më i miri. Messi është një lojtar mjaft i rëndësishëm për Barcelonën dhe e ka treguar prej vitesh.
Shpresoj që ta tregojë edhe këtë sezon. Ne kemi një atmosferë fenomenale në stërvitje”, përfundoi Koeman.