Legjendës së futbollit të Kosovës, Kujtim Shalës, si sot i kujtohet stadiumi në Nish, ku ishin rreth 50 mijë shikues, gjithnjë sipas shtypit kroat, por futbollisti nga Kosova u pa me një sy ndryshe nga serbët.
Që besa Shala gjatë kësaj ndeshje ka ngritur lart dy gishtërinj, duke e elektrizuar në ekstrem tifozerinë serbe të Radniçkit të Nishit.
“Nuk harrohet Nishi! Çfarë urrejtje ndaj Kujtim Shalës - 1990/91”, shkruan Shala në profilin e tij në facebok.
Gazeta kroate
Ndeshja mes Radniçkit dhe Dinamos nga Zagrebi, në kohën e rregullt kishte përfunduar 1:1, por me penallti triumfuan dinamovitët me rezultat 6:5.
Në atëkohë, nëse takimi përfundonte baras, atëherë me penallti vendosej se cila skuadër do ta fitonte një pikë.
