Mesfushori Eduart Rroca nuk është më pjesë e skuadrës së Kukësit.
Pas një sezoni e gjysmë me fanellën e Kukësit, mesfushori i ka dhënë lamtumirën klubit dhe ndeshja ndaj Ëolfsburg, ishte e fundit për të me fanellën e Kukësit.
Kontrata e Rrocës përfundonte në muajin janar 2021, megjithatë pas një diskutimi me presidentin Safet Gjici, klubi vendosi ta linte të lirë për të vazhduar aventurën në kampionatin turk.
Klubi i Instanbulspor AS shfaqi interes për futbollistin shqiptar dhe dëshira e futbollistit për të provuar një aventurë të re jashtë vendit, u mirëkuptua nga Kukësi.
Instanbulspor AS garon në Ligën e Parë të Turqisë.
"Futboll Klub Kukësi e falënderon Rrocën për kontributin e dhënë dhe i uron suksese në aventurën turke. Me fanellën e Kukësit, Rroca fitoi Kupën e Shqipërisë. Suksese Eduart", shkruhet në njoftimin e klubit.
Rroca është 27-vjeçar. Ai më parë ka luajtur edhe me Luftëtarin, Egnatin dhe Tërbunin..