Arbëria e Dobrajës e ka nisur në mënyrën më të mirë të mundshme edicionin e ri në Superligën e Kosovës në futboll.
Në ndeshjen e zhvilluar në stadiumin "Riza Lushta" në Mitrovicë, Arbëria e Dobrajës ka fituar me rezultat 2:0 ndaj Trepçës '89 .
Pas ndeshjes, kapiteni i Arbërisë, Labinot Ibrahimi është shprehur tejet i lumtur me tre pikëshin e parë.
“Po, është fitorja e parë në ndeshjen e parë të Arbërisë në Superligë dhe sigurisht si skuadër jemi shumë të kënaqur”, deklaroi Ibrahimi për "ArtSport".
