Fadil Rama është shprehur i zhgënjyer me rezultatin në “Fadil Vokrri”, ku Prishtina mundi thellë Drenicën, 3:0.
Trajneri i Drenicës theksoi që skuadra e tij do të luftojë për plasman në pjesën e epërme të tabelës, përcjellë Olle.
“Ndeshjen e kemi filluar mirë dhe luajtëm mirë deri në momentet kur filluam me gabimet e lehta, të cilat na kushtuan me pranimin e tre golave”, tha Rama për Art Sport.
“Rezultati është i lartë, ne u angazhuam por nuk ia dolëm sepse kemi bërë gabime naive, të cilat gjithsesi që ndodhin”.
“Në pjesën e parë, deri te pranimi i golit të parë, ne ishim kundërshtar i barabartë me Prishtinën”.
“Ky kampionat është cilësor, më dinamik. Drenica do të luajë për plasman në katër pozitat e para”, u shpreh ai.