Skuadra e Ballkanit e nisi në mënyrë fantastike sezonin e ri.
Ata mposhtën me rezultat 1:4 ekipin e sapo inkuadruar në Superligë, Besa e Pejës.
Trajneri i Ballkanit, Ismet Munishi ka zgjedhur një mënyrë interesante që ta festoj fitoren e parë në sezonin e ri.
Ai së bashku me presidentin e klubit të Ballkanit, Arsim Kabashi kanë qenë mysafirë në një Odë të Burrave në Suharekë.
“Fitorja festohet ne Odë më së miri . Ne oden e Hasanajve ne Reqan të Suharekes.Falemderit shume për mikriptje Hasanajve te Reqanit “, ka shkruar Munishi në postimin e tij.
Ballkani shihet si një nga skuadrat favorite për ta fituar titullin këtë sezon. Me transferimet e bëra në merkato, klubi nga Suhareka po duket më i frikshëm se sezonin e kaluar.
