Përparim Islami do ta vazhdojë karrierën tek Feronikeli, me të cilën skuadër ka arritur sukseset më të mëdha.
Lajmin e ka konfirmuar drejtori sportiv i Feronikelit, Artan Berisha.
“Po, kemi arritur marrëveshje dje (e shtunë) me Islamin dhe ai do të mbetet pjesë e klubit tonë”, tha Berisha për Gazetën Olle.
Mbrojtësi i djathtë ishte ndarë në verë me Feronikelin dhe ishte afër edhe transferimit te Ballkani.
Ai ishte lënduar në qershor, për çka ishte operuar, kurse ditë më parë ka rifilluar përgatitjet.
