Prishtina me mendje në Kastriot. Trajneri Zekirija Ramadani iu ka kërkuar futbollistëve seriozitet të plotë para duelit me debutuesit e Superligës, Arbërinë.
Duke u shprehur i kënaqur me triumfin ndaj Drenicës, 3:0, Ramadani tha për faqen zyrtare të klubit se skuadra duhet ta marrë shumë seriozisht ndeshjen e së martës.
“Menjëherë të martën na pret Arbëria, të cilën e pamë se çfarë bëri në Mitrovicë”, deklaroi Ramadani.
“Duhet ta marrim shumë seriozisht atë ndeshje dhe vetëm kjo është që tani kërkoj nga futbollistët, vetëm seriozitet nga çdo ndeshje e radhës”, shtoi ai.
Ramadani dje debutoi në bankinën e Prishtinës.
