Liverpooli ka shënuar fitore në derbin e javës së dytë të Premier League në futboll. Kampioni ashtu si i ka hije edhe triumfon me rezultat 2:0 ndaj Chelseat, në takimin që u luajt në stadiumin "Stamford Bridge'.
Te Chelsea asgjë nuk shkoi si duhet, një i skuqur, gafa e portierit dhe e humbën edhe penalltinë.
Nga minuta e 45+1 Chelsea ka luajtur me një lojtar me pak, pasi që Christensen u përjashtua direkt me karton të kuq për shkak të një ndërhyrje nga prapa.
Në minutën e 50-të, Liverpooli me një veprim shkollor dhe Sadio Mane nga afërsia me kokë shënon për 0:1.
Kampioni thellon fitoren. Mane sërish në skenë.
Portieri Arrizabalaga gabon në pasim afër portës së tij dhe Mane nuk e fali, menjëherë e plason topin në rrjetë, 0:2 pikërisht në minutën e 54-të. Gabim trashanik i portierit, në fakt e ka shokuar edhe trajnerin Lampard.
Në minutën e 82-të, Jorginho pati rast ideal që ta ngushtoi humbjen por gjuajtja e tij në këndin e majtë është pritur nga portieri Alisson.
Pas javës së dytë, Everton kryeson tabelën me 6 pikë, pasojnë Arsenali, Liverpooli, Crystal Palace, që të gjithë janë me nga 6 pikë, ndërsa Chelsea renditet në vend të dhjetë me 3 pikë.
